ისრაელის სამხრეთ ნაწილში მასშტაბური ხანძრები მძვინვარებს. სალიკვიდაციო სამუშაოებში მაშველებმა სახანძრო ავიაცია ჩართეს. ინფორმაციას ამის შესახებ Jerusalem Post ავრცელებს.
ისრაელის სახანძრო სამსახურის წარმომადგენლების თქმით, ხანძრების დიდი ნაწილი ლოკალიზებულია, თუმცა ლიკვიდირებული არ არის.
ადგილობრივმა ხელისუფლებამ მოსახლეობას სთხოვა, სახანძრო უსაფრთხოების წესები დაიცვას და კოცონი არ დაანთოს.
