ჩრდილოეთ ისრაელში, სანაპიროზე სამხედრო ვერტმფრენი ჩამოვარდა. ინციდენტის შედეგად ისრაელის თავდაცვის ძალების ორი პილოტი დაიღუპა. Report.ge-ს ცნობით, ინფორმაციას Times of Israel ავრცელებს.
დაშავებულია ეკიპაჟის კიდევ ერთი წევრი. ის სამედიცინო ცენტრში გადაიყვანეს. მისი მდგომარეობა საშუალო სიმძიმისაა.
ისრაელის არმიის სამძებრო-სამაშველო ჯგუფებმა წყლიდან პილოტების ცხედრები ამოიყვანეს.
ვერტმფრენი საპორტო ქალაქ ჰაიფას სანაპიროსთან ჩამოვარდა.
ავიაკატასტროფის მიზეზად ვერტმფრენის ტექნიკური გაუმართაობა დასახელდა.