ჯანდაცვის მსოფლიო ორგანიზაციის გენერალურმა დირექტორმა თედროს ადჰანომ გებრეისუსმა დაასახელა თანხა, რომელიც აუცილებელია იმისთვის, რომ კორონავირუსის საწინააღმდეგო ვაქცინისადმი საყოველთაო წვდომა უზრუნველყოფილი იყოს.
"მხოლოდ ვაქცინებზე 100 მილიარდ დოლარზე მეტი იქნება საჭირო", - განაცხადა გებრეისუსმა.
მისი თქმით, თანხების შეგროვების მიზნით აპრილში ჩატარებული ღონისძიებების შედეგად ამ თანხის 10 პროცენტი შეგროვდა.
შეგახსენებთ, მანამდე ჯანდაცვის მსოფლიო ორგანიზაციის საგანგებო სიტუაციების პროგრამის აღმასრულებელმა დირექტორმა, მაიკლ რაიანმა განაცხადა, რომ კორონავირუსის საწინააღმდეგო ვაქცინის მასობრივი გამოყენება 2021 წლის პირველ ნახევრამდე არ დაიწყება.
