კორონავირუსის პანდემია, რომელიც მთელი მსოფლიოს მასშტაბით ჯანდაცვის სფეროში უსერიოზულეს საგანგებო სიტუაციას წარმოადგენს, მძლავრდება, - ამის შესახებ ჯანდაცვის მსოფლიო ორგანიზაციის ხელმძღვანელმა, ტედროს ადანომ გებრეისუსმა განაცხადა.
მისი თქმით, კორონავირუსით გამოწვეული დაავადებების რიცხვი იზრდება. ბოლო თვენახევრის განმავლობაში ინფიცირებულთა რიცხვი გაორმაგდა და 16 მილიონს გადააჭარბა. გარდაცვლილთა რაოდენობა 640 ათასზე მეტია.
"პანდემია სიჩქარის აკრეფას განაგრძობს", - განაცხადა გებრეისუსმა.
