ამერიკელი მუსიკოსის, ჯიმი ჰენდრიქსის გიტარა, რომელზეც ის პოპულარობამდე უკრავდა, $190 ათასად გაიყიდა. ინსტრუმენტზე ის ჯარიდან დაბრუნების შემდეგ უკრავდა.
უსახელო იაპონური გიტარა GWS Auctions-ს აუქციონზე გაიტანეს.
ეს ინსტრუმენტი ჯიმი ჰენდრიქსმა, ლონდონში გამგზავრებამდე, თავის მეგობარს, მაიკ კუაშის 1966 წელს აჩუქა. კუაშისთან ის 2019 წლამდე ინახებოდა. ამ წელს ჰენდრიქსის მეგობარი გარდაიცვალა.
გიტარა სიმების გარეშე გაიყიდა, რადგან ორგანიზატორებს მისი პირვანდელი სახის შენარჩუნება სურდათ.
