ამერიკის შეერთებული შტატების პრეზიდენტს ჯო ბაიდენსა და NATO-ს გენერალურ მდივანს იენს სტოლტენბერგს შორის სატელეფონო საუბარი გაიმართა. სტოლტენბერგმა ბაიდენს საპრეზიდენტო არჩევნებში გამარჯვება მიულოცა.
ლიდერებმა ალიანსის წინაშე არსებული გამოწვევები განიხილეს. საუბარი შეეხო საერთაშორისო ტერორიზმის, ავღანეთისა, ერაყის, რუსეთის აგრესიისა და ჩინეთიდან მომავალი საფრთხეების საკითხებს. ბაიდენმა კიდევ ერთხელ დაადასტურა აშშ-ის ერთგულება ტრანსატლანტიკური უსაფრთხოებისადმი. მხარეები ზაფხულში დაგეგმილი ბრიუსელის სამიტისთვის ერთობლივ მოსამზადებელ სამუშაოებზე შეთანხმდნენ.
