აშშ- ის პრეზიდენტობის დემოკრატ კანდიდატს ჯო ბაიდენს დაცვა გაუძლიერეს. მან ამომრჩევლებს დღეს, შესაძლოა, სიტყვით მიმართოს. აშშ-ის საიდუმლო სამსახური ქალაქ ვილმინგტონში უსაფრთხოებას აძლიერებს, რადგან ბაიდენმა არჩევნებში გამარჯვება, შესაძლოა, სწორედ ვილმინგტონში გამოაცხადოს. ინფორმაციას BBC და The Washington Post ავრცელებს.
ბოლო მონაცემების მიხედვით, ჯორჯიის შტატში ჯო ბაიდენი დამაჯერებლად ლიდერობს, მან ამომრჩეველთა 1062 ტრამპმა კი 223 ხმა მიიღო.
ამ დროისთვის 50 შტატიდან დათვლილია 44 შტატის შედეგები. გადამწყვეტი 6 შტატის მონაცემების დათვლას ჯერ კიდევ დროს სჭირდება.
ბოლო მონაცემებით წინასწარი შედეგები უცვლელია. დაძაბულ მარათონში ჯო ბაიდენი ლიდერობს. მას საარჩევნო კოლეგიის 538 ხმიდან 253, ხოლო დონალდ ტრამპს – 213 ხმა აქვს. გამარჯვებისთვის პრეზიდენტობის კანდიდატს კოლეგიის ხმების უმრავლესობა - სულ ცოტა, 270 ხმა სჭირდება.
