ავღანეთის დედაქალაქში აფეთქებები მოხდა. ინფორმაციას ადგილობრივი მედია ავრცელებს.
ქაბულის დეჰბორის რაიონში სამგზავრო მიკროავტობუსი ააფეთქეს. ინციდენტის შედეგად, სულ მცირე, 7 ადამიანი დაიღუპა.
ერთი საათით ადრე კი მსგავსი შემთხვევა დასავლეთ ქაბულში, დაშტე-ბარჩის რაიონში მოხდა. თვითმხილველების თქმით, სამგზავრო მანქანაზე მიმაგრებული მაგნიტური ნაღმი აფეთქდა, რის შედეგადაც, სულ მცირე, 4 ადამიანი დაიღუპა.
მომხდარზე პასუხისმგებლობა ჯერჯერობით არც ერთ დაჯგუფებას არ აუღია.
