კანარის პალმას კუნძულზე გააქტიურებულ ვულკანში ახალი ნაპრალი გაჩნდა, რომელიც ახალი ნგრევის საფრთხეს ქმნის. ინფორმაციას Reuters ავრცელებს.
ნაპრალიდან ლავა გადმოდის.
"არის საშიშროება, რომ ახალი ნაკადი ზღვისკენ დაიწყებს მოძრაობას", - განაცხადეს კანარის ვულკანოლოგიის ინსტიტუტში.
გავრცელებული ცნობით, ღამით ლავამ კიდევ რამდენიმე სახლი მოიცვა.
ცნობისთვის, კანარის კუნძულ პალმაზე ტოდოკეს მუნიციპალიტეტი ფერფლშია დამარხული.
დამწვარია 154 ჰექტარი მიწა, 300-ზე მეტი სახლი განადგურებულია.
საცხოვრებლის დატოვება 6 ათასამდე ადამიანს მოუწია.
კანარის ვულკანოლოგიის ინსტიტუტის პროგნოზით, ამოფრქვევა, შესაძლოა, 24-დან 84 დღემდე გაგრძელდეს.
პარლაზე ვულკანის ამოფრქვევისას ლავის სიმაღლე 12 მეტრს აღწევს.
ზარალმა €400 მილიონს უკვე გადააჭარბა.
მთელ საკურორტო ზონას განადგურება ემუქრება.