კენიაში კორონავირუსის გავრცელების თავიდან ასაცილებლად, სკოლის მოსწავლეებს სადეზინფექციო საშუალებებს ხელებზე, ტანსაცმელსა და ფეხებზე ასხამენ. ამის შესახებ BBC წერს.
30-წამიან ვიდეოში, რომელიც ადგილობრივმა მედიამ გაავრცელა, ჩანს მამაკაცი, რომელიც სპეციალური დამცავი აღჭურვილობით დგას და სკოლის მოსწავლეებს სადეზინფექციო საშუალებას ასხამს.
An assumably back to school sanitization exercise being conducted on students.
— The Standard Digital (@StandardKenya) October 12, 2020
What can you say?
(Video courtesy) pic.twitter.com/iSRXDKDjJC
ჯანდაცვის მსოფლიო ორგანიზაციის განცხადებით, ადამიანზე ამ ნივთიერების გამოყენება რეკომენდირებული არ არის, მეტიც, შესაძლოა, ხსნარმა ადამიანს ფიზიკური და ფსიქოლოგიური ზიანი მიაყენოს.
კენიელები Twitter-ზე გამოქვეყნებულ ვიდეოს გამოეხმაურნენ.
"მეორე დღიდან ჩვენ გვაქვს კანის პრობლემები, გულმკერდის შეშუპება, ასთმის გამწვავება. მშობლებმა უნდა გადაიხადონ იმისთვის, რომ შვილები ძროხებივით იდგნენ და ასხურონ ხსნარი?”, - განაცხადა Twitter-ის მომხმარებელმა.
"მე ვერანაირ პრობლემას ვერ ვხედავ ამ საქმის მიმართ, როგორ ფიქრობთ როგორ უნდა მოხდეს მათი დეზინფექცია? ზოგიერთი თქვენგანი უბრალოდ მეამბოხეა", - განაცხადა მეორემ.
კენიაში სკოლები დაწესებული შეზღუდვებით ორშაბათს გაიხსნა. ვირუსის გავრცელების პრევენციის მიზნით, თითოეულმა მოსწავლემ უნდა დაიცვას სანიტარული ნორმები, დაიბანოს ხელები ხშირად, დაიცვას სოციალური დისტანცია.
თეკო გიორგაძე
ავტორი