აზერბაიჯანის სამედიცინო ტერიტორიული ქვედანაყოფების სამმართველო გაერთიანება (TƏBİB) ქვეყნის ხანდაზმულ მოსახლეობას კორონავირუსის საწინააღმდეგო ვაქცინის მესამე დოზით აცრას ურჩევს. ინფორმაციას ადგილობრივი მედია ავრცელებს.
"უკვე ბევრ ქვეყანაში დაასკვნეს, რომ ბუსტერული დოზის შეყვანა ვაქცინაციიდან ექვსი თვის შემდეგ იმუნური სისტემის გაძლიერებას უწყობს ხელს", - აღნიშნა უწყების წარმომადგენელმა ბრიფინგზე.
მისი თქმით, ეს რეკომენდაცია განსაკუთრებით ეხება ხანდაზმულებს და სამედიცინო მუშაკებს.
