აშშ-ის შტატ კოლორადოში, ქალაქ არვადაში სროლის შედეგად ორი ადამიანი, მათ შორის პოლიციელი გარდაიცვალა. ინფორმაციას ამის შესახებ ტელეარხი CBS Denver ავრცელებს.
გავრცელებული ინფორმაციით, შეიარაღებულმა პირმა პოლიციელს ცეცხლი გაუხსნა. ეჭვმიტანილმა სამართალდამცავი და კიდევ ერთი პირი მოკლა.
ადგილზე მობილიზებულმა პოლიციამ თავდამსხმელის ლიკვიდაცია მოახდინა. მისი მოტივები ჯერჯერობით უცნობია. მიმდინარეობს გამოძიება.
