კოლუმბიაში მომხდარი არეულობების დროს 200-ზე მეტი პოლიციელი დაშავდა, 185 ადამიანი დააკავეს. ინფორმაციას ამის შესახებ კოლუმბიის ეროვნული პოლიცია ავრცელებს.
"209 პოლიციელი დაშავდა ვანდალების თავდასხმების შედეგად, მათგან 71 ბოგოტაში და 68 კალიში", - ნათქვამია პოლიციის განცხადებაში.
აღინიშნა, რომ დაკავებულთა შორის არის რვა უცხოეთის მოქალაქე და 16 არასრულწლოვანი.
შეგახსენებთ, მომიტინგეები კოლუმბიაში საგადასახადო რეფორმას აპროტესტებენ, რაც გულისხმობს გადასახადის დაწესებას ერთჯერადი გამოყენების პლასტმასის ჭურჭელზე და იმ ადამიანებისთვის დამატებითი 10%-ის გადახდის ვალდებულებას, რომელთა შემოსავალიც 660 დოლარს აჭარბებს.
თეკო გიორგაძე
ავტორი