კორონავირუსის ახალი შტამი, რომელიც ინგლისის სამხრეთ ნაწილში სწრაფად ვრცელდება, "მუტაციის უჩვეულო რაოდენობით" გამოირჩევა. ამის შესახებ ლონდონის უნივერსიტეტის პროფესორმა და ვირუსოლოგმა, ვენდი ბერკლიმ BBC Radio 4-ს განუცხადა.
მისი თქმით, ვირუსებს ჩვეულებრივ ერთი, ან ორი სახის მუტაცია გააჩნია, მაგრამ ახალ შტამს ერთდროულად 22 აქვს.
ვენდი ბერკლის თქმით, ეს თვისება, შესაძლოა, საგანგაშო აღმოჩნდეს, თუმცა ამ ეტაპზე ყველაზე მნიშვნელოვანია დადგინდეს, მოქმედებს თუ არა ვაქცინა კორონავირუსის ახალი სახეობის წინააღმდეგ.
