ახალი კორონავირუსით პირველი ადამიანი გარდაიცვალა ჩინეთ-რუსეთის საზღვართან ახლოს. დაღუპული ქალაქ სუიჰუას მკვიდრია. შემთხვევა რუსეთის საზღვრიდან 430 კილომეტრში გამოვლინდა.
რუსეთის საელჩო ჩინეთში აცხადებს, რომ ჩინეთის ტერიტორიაზე, რუსეთის მოქალაქეების მომაკვდინებელი ვირუსით დაინფიცირების შემთხვევა ჯერ არ აღინიშნება.
ამ დროისთვის ჩინეთში კორონავირუსის გავრცელებასთან დაკავშირებით დაკეტილია 13 ქალაქი. ვირუსს უკვე ემსხვერპლა 25 ადამიანი და დაინფიცირებულთა რიცხვმა 830-ს გადააჭარბა. ვირუსი უკვე გასცდა ჩინეთის საზღვრებს. შემთხვევები დაფიქსირებულია ტაილანდში, იაპონიაში, სამხრეთ კორეაში, აშშ-ში, ჰონგ-კონგში, ტაივანში, მაკაოში, საუდის არაბეთში, სინგაპურში.
ახალი ტიპის კორონავირუსი 2019-nCoV-ი ჩინეთში გასული წლის დეკემბრის დასაწყისში გავრცელდა.
მედეა ცხოვრებაძე
ავტორი