ლა-მანშის სრუტეში 66 არალეგალი მიგრანტი აღმოაჩინეს, რომლებიც ინგლისის სანაპიროებთან ნავებით მისვლას ცდილობდნენ. ინფორმაციას Le Figaro ავრცელებს.
სამაშველო ოპერაციას 4 ეტაპისგან შედგებოდა.
ეს ამ კვირაში უკვე მესამე ასეთი შემთხვევაა.
2018 წლის ბოლოდან მარშრუტი, რომელიც ლა-მანშზე გადის, ბრიტანეთში მოხვედრის მსურველი მიგრანტებისთვის სულ უფრო პოპულარული ხდება, მიუხედავად იმისა, რომ ეს სიცოცხლისთვის ძალიან საშიშია. აქ მძიმე გემების მოძრაობა ინტენსიურია, დინება ძლიერია, წყლის ტემპერატურა კი დაბალი.
წელს ლა-მანშით ბრიტანეთში მცირე ზომის ნავებით 15 400 ადამიანი ჩავიდა. 3500 სიცოცხლისთვის საშიშ ვითარებაში გადაარჩინეს.
აგვისტოს შუა რიცხვებში ლა-მანშში ერიტრეელი მიგრანტი დაიხრჩო, გასულ წელს კი ერაყელი ქურთების ოჯახის 4 წევრი. მათი მცირეწლოვანი ბავშვის ცხედარი მრავალი თვის შემდეგ ნორვეგიის სანაპიროზე გამოირიყა.
