ლედი გაგამ კორონავირუსთან მებრძოლი ექიმებისთვის და გადაუდებელი დახმარების სივრცეში დასაქმებული ყველა ადამიანისთვის გამამხნევებელი ბილბორდები შექმნა. ისინი მარტივი ხასიათისაა და მათზე დიდი ასოებით ტექსტი ”შენ არსებითი ხარ” - ”შენ აუცილებელი ხარ” წერია. პატარა ზომის ტექსტში კი მომღერალი სახლში დარჩენასა და უსაფრთხოების წესების დაცვისაკენ მოგვიწოდებს.
ბილბორდები პირველად კალიფორნიაში გამოჩნდა. მომღერალი თავდაპირველად ამ სარეკლამო ადგილების გამოყენებას თავისი ახალი ალბომის, "Chromatica-ს" რეკლამისთვის აპირებდა.
მომღერლის მეექვსე ალბომის გამოშვება 10 აპრილისთვის იყო დაგეგმილი, მაგრამ კორონავირუსის პანდემიის გამო, პრეზენტაცია გაურკვეველი ვადით გადაიდო.
Pictures of Lady Gagaâs new promotional billboard in California. pic.twitter.com/IILoO4FGJ3
— Gaga Now (@ladygaganownet) April 18, 2020
ანი იმედაძე
ავტორი