აზერბაიჯანში მაისში ვაქცინაცია AstraZeneca-ს კორონავირუსის საწინააღმდეგო პრეპარატ Vaxzevria-თი დაიწყება. ინფორმაციას ამის შესახებ ქვეყნის ჯანდაცვის სამინისტროზე დაყრდნობით აზერბაიჯანული მედია ავრცელებს.
3 მაისიდან "ასტრაზენეკას" ვაქცინით აცრას 60 წელს გადაცილებული პირები ბაქოსა და ქვეყნის 6 რეგიონში შეძლებენ.
აზერბაიჯანმა Vaxzevria-ს 84 000 დოზა პლატფორმა COVAX-ის ფარგლებში მიიღო.
ცნობისთვის, აზერბაიჯანში COVID-19–ის საწინააღმდეგო ვაქცინაციის პროცესი 18 იანვარს დაიწყო. 1 471 579 მილიონი ადამიანი Sinovac-ით აიცრა.
აზერბაიჯანმა ჩინური წარმოების ვაქცინის Sinovac 4 მილიონი დოზა შეიძინა. ერთი ადამიანი ვაქცინის ორ დოზას იღებს. ვაქცინის მეორე დოზა პირველი დოზის მიღებიდან 21 დღის შემდეგ გაიცემა.
