"აღარ შემიძლია, სახლში წამიყვანეთ, ან საავადმყოფოში მომათავსეთ", - ასეთი იყო 52 წლის მამაკაცის ბოლო სიტყვები, რომლის მიღებაზეც 18 საავადმყოფოში უარი განაცხადეს. ინციდენტი ინდოეთის ქალაქ ბანგალორში მოხდა. ამის შესახებ გამოცემა The Times of India წერს.
მამაკაცს სუნთქვის უკმარისობა და მაღალ ტემპერატურა აღენიშნებოდა. ის ვარაუდობდა, რომ მას ახალი კორონავირუსი ჰქონდა და 18 საავადმყოფოს მიმართა, 30-32-ში დარეკა. პაციენტის მიღებაზე ყველა სამედიცინო დაწესებულებამ უარი განაცხადა.
36-საათიანი ლოდინის შემდეგ მამაკაცი ერთ-ერთ საავადმყოფოში მიიღეს, თუმცა მამაკაცი მკურნალობის დაწყებამდე გარდაიცვალა.
მის ოჯახს ცხედარს ჯერ არ უბრუნებენ, რადგან მედიკოსები COVID-19-ზე ტესტის პასუხს ელოდებიან.
