ავსტრალიაში მამაკაცმა 300 ათასი ავსტრალიური დოლარის ოდენობის ჯეკპოტი მოიგო. 40 წლის განმავლობაში ის ბილეთებს ყიდულობდა და ერთსა და იმავე ციფრებს უთითებდა.
მამაკაცმა, რომელმაც სახელის გამჟღავნება არ ისურვა, აღნიშნა, რომ იღბლიანი ბილეთი 30 მაისს იყიდა.
გამარჯვებული, რომელიც ცოტა ხნის წინ პენსიაზე გავიდა, ამბობს, რომ ამ მომენტს მთელი ცხოვრება ელოდებოდა.
მოგებული თანხის დახარჯვას პენსიონერი ახალი სახლის შესყიდვაზე გეგმავს. მას ასევე მოგზაურობა სურს, როდესაც ახალ კორონავირუსთან დაკავშირებული სიტუაცია დასტაბილურდება.