მარკ ცუკერბერგი მსოფლიოს უმდიდრესი ადამიანების სიაში მესამე ადგილს იკავებს. მისმა ქონებამ 100 მილიარდ აშშ დოლარს გადააჭარბა. Bloomberg-ის ცნობით, ბიზნესმენის ქონების ღირებულება მას შემდეგ გაიზარდა, რაც მან ახალი პლატფორმა Reels გამოუშვა.
Reels პოპულარული აპლიკაციის Tik-Tok-ის ამერიკულ ანალოგს წარმოადგენს.
გამოცემის ცნობით, ცუკერბერგი მსოფლიოს უმდიდრესი ადამიანების სიაში ჯეფ ბეზოს და ბილ გეითსის შემდეგ, მესამე ადგილს იკავებს.
ცუკერბერგის ქონების უდიდეს ნაწილს Facebook-ის აქციები შეადგენს. შეგახსენებთ, ბიზნესმენმა სოციალური ქსელი ჰარვარდის უნივერსიტეტის საერთო საცხოვრებელში, 2004 წელს დააარსა.
