ნიუ-იორკი კორონავირუსით დაინფიცირებული ადამიანების რაოდენობით მსოფლიოს ყველა ქვეყანას უსწრებს. ნიუ-იორკის შტატში, სადაც 20 მილიონამდე ადამიანი ცხოვრობს, COVID-19-ის 160 000 - მდე შემთხვევა ფიქსირდება და ეს რიცხვი პროგრესირებს.
ქალაქი ნიუ-იორკის მოსახლეობა კი განვითარებული მოვლენების გამო სახლებიდან გამოსვლას ერიდება. ქალაქში საყოველთაო მობილიზაციაა გამოცხადებული. ცოტა ხნის წინ საქმეში სამედიცინო გემები ჩაერთვნენ, რომლებიც ნიუ-იორკის სანაპიროზე გაჩერდნენ და დამატებითი საავადმყოფოს როლს ასრულებენ.
შეშინებული სოციალური ქსელის მომხმარებლები ვიდეოებს ავრცელებენ, თუ როგორ გაყავთ კორონავირუსით გარდაცვლილი ადამიანები მაცივარი-სატვირთოებით.
Reuters-მა სურათები გამოაქვეყნა სადაც დრონით გადაღებულ ფოტოებში მასობრივი სასაფლაოებია ნაჩვენები.
ნიუ-იორკის მერმა დღევანდელი მდგომარეობა 11 სექტემბრის ტერაქტს შეადარა. მისი თქმით ვირუსი საზოგადოებას ისეთი განურჩევლობით ებრძვის, როგორც 9/11-ის მოვლენა.
ვახო რევაზიშვილი
ავტორი