სასექსის ჰერცოგსა და ჰერცოგინიას საკმარისად ქონდათ მიზეზები იმისათვის, რომ გამოცემა Mail on Sunday-სთვის ეჩივლათ. პრესა მეგანის მიმართ დამამცირებელ და შეურაცხმყოფელ მასალას აქვეყნებდა.
პრინცი ჰარის განცხადებით, მან "Daily Mail" - ის "Mail On Sunday" - ს წინააღმდეგ ბრძოლა იურიდიული გზით დაიწყო, რადგან ისინი მეგანს ყალბ ინფორმაციას უვრცელებდნენ და განზრახ შეურაცხყოფას აყენებდნენ. მისი განსაკუთრებული გაღიზიანება კი გამოიწვია იმ ფაქტმა, რომ გამოცემამ მეგანის მამისადმი მიწერილი პირადი წერილი უკანონოდ გამოაქვეყნა.
საუბარია წერილზე, რომელიც მეგან მარკლმა მამას, თომას მარკლს ქორწილის შემდეგ მიწერა.
პრინცმა ჰარიმ გრძელი სიტყვა გამოაქვეყნა, სადაც ადამიანის ღირებულებებსა და დაუნდობელ მედიაზე საუბრობს. ის შიშობს და არ უნდა, რომ ისტორია განმეორდეს. ის დედამისის, პრინცესა დიანას გარდაცვალების შემდგომ განვითარებულ მოვლენებზე ამახვილებს ყურადღებას.
“I’ve seen what happens when someone I love is commoditised to the point that they are no longer treated or seen as a real person. I lost my mother and now I watch my wife falling victim to the same powerful forces.” - The Duke pic.twitter.com/ygst8frw73
— The Duke and Duchess of Sussex (@PHarry_Meghan) October 1, 2019
ანი იმედაძე
ავტორი