არიზონას გუბერნატორმა მექსიკის საზღვარზე საგანგებო მდგომარეობა გამოაცხადა და კრიზისის მოსაგვარებლად ეროვნული გვარდია გაგზავნა. ამის შესახებ ინფორმაცია გუბერნატორმა დუგ დიუსიმ სოციალურ ქსელში გამოაქვეყნა.
"სასაზღვრო კრიზისის მოსაგვარებლად, მე საგანგებო მდგომარეობა გამოვაცხადე და არიზონას ეროვნული გვარდიიდან გავგზავნე გაბედული ქალები და მამაკაცები, რათა მათ მხარი დაუჭირონ სამართალდამცავი ორგანოების ძალისხმევას და დაიცვან არიზონას მკვიდრნი", - განაცხადა გუბერნატორმა.
ხელისუფლების გადაწყვეტილება მესაზღვრეების მიერ დაკავებული მიგრანტების რაოდენობის მკვეთრ ზრდას მოჰყვა.
"ადგილობრივი სამართალდამცავი ორგანოები და მერები დახმარებას ითხოვენ", - დასძინა გუბერნატორმა.
ცნობილია, რომ არიზონა დაახლოებით 25 მილიონ დოლარს გამოყოფს სასაზღვრო რაიონებში 250-მდე ეროვნული გვარდიის მებრძოლების განლაგებისთვის.
