აშშ-ის პირველმა ლედიმ, მელანია ტრამპმა განაცხადა, რომ არჩევნებში ყველა "ლეგალური" ხმა უნდა იქნას გათვალისწინებული.
"ამერიკელები იმსახურებენ სამართლიან არჩევნებს. ყოველი ლეგიტიმური - და არა არალეგიტიმური - ხმა უნდა დაითვალოს. ჩვენ უნდა დავიცვათ ჩვენი დემოკრატია სრული გამჭვირვალობით", - წერს მელანია Twitter-ზე.
The American people deserve fair elections. Every legal - not illegal - vote should be counted. We must protect our democracy with complete transparency.
— Melania Trump (@FLOTUS) November 8, 2020
ამერიკული მედიის ცნობით, არჩევნებში ჯო ბაიდენის გამარჯვების მიუხედავად, ტრამპი დანებებას არ აპირებს. პრეზიდენტი მიიჩნევს, რომ დემოკრატებმა არჩევნები გააყალბეს და 9 ნოემბერს ის არჩევნების შედეგების სამართლიან გამოძიებას სასამართლოში მოითხოვს.
ცნობისთვის, 3 ნოემბერს შეერთებულ შტატებში საყოველთაო არჩევნები გაიმართა. ხმების დათვლა ამ დრომდე გრძელდება, თუმცა, ბაიდენის გამარჯვება უკვე აღიარეს, როგორც საერთაშორისო გამოცემებმა, ასევე მრავალი ქვეყნის სახელმწიფო ლიდერებმა. ჯო ბაიდენმა საარჩევნო კოლეგიის 290 ხმა მოიპოვა, გამარჯებისთვის კი მას 270 ხმა სჭირდებოდა.
