ევროკავშირმა და დიდმა ბრიტანეთმა ბრექსითის დასრულების შემდეგ თანამშრომლობასთან დაკავშირებით სადავო საკითხებზე მოლაპარაკება, შესაძლოა, ვერ მოასწრონ. ამის შესახებ ბრექსითის საკითხებში ლონდონთან ევროკავშირის მთავარმა მომლაპარაკებელმა, მიშელ ბარნიემ განაცხადა.
მისი თქმით, მოლაპარაკებათა მეშვიდე რაუნდის დასრულების შემდეგ, შეთანხმება ჯერ კიდევ არ არის მიღწეული.
"ძალიან ცოტა დრო გვრჩება და უამრავი საკითხი გადასაწყვეტი", - განაცხადა ბარნიემ.
დიდი ბრიტანეთის ევროკავშირიდან გასვლის შემდეგ გარდამავალი პერიოდი 2020 წლის 31 დეკემბერს უნდა დასრულდეს. შეთანხმების მიღწევა, გაფორმება და რატიფიცირება კი ამ დრომდე უნდა მოხდეს.
