მოსკოვში, წითელ მოედანზე, ფაშიზმზე გამარჯვების 76-ე წლისთავთან დაკავშირებით სამხედრო აღლუმი მიმდინარეობს. ამის შესახებ რუსული მედია იუწყება.
ადგილობრივი მედიის ინფორმაციით, სამხედრო აღლუმში 12 ათასზე მეტი სამხედრო მოსამსახურე, 200-მდე ერთეული სამხედრო ტექნიკა და 76 ვერტმფრენი და თვითმფრინავი მონაწილეობს.
ამასთან, ფაშიზმზე გამარჯვების 76 წლისთავის საპატივსაცემოდ, მოსკოვში სადღესასწაულო ფეიერვერკი 16 პუნქტიდან გაეშვება.
რუსეთის თავდაცვის მინისტრმა სერგეი შაიგუმ განაცხადა, რომ მოსკოვის გარდა, გამარჯვების დღეს სამხედრო აღლუმები გაიმართება რუსეთის კიდევ 27 ქალაქში.
