ხორვატმა მყვინთავმა, ბუდიმირ შობატმა მსოფლიოს ახალი რეკორდი დაამყარა. 54 წლის მამაკაცმა წყალში ჩაყვინთა და სუნთქვა 24 წუთისა და 33 წამის განმავლობაში შეიკავა. ამ შედეგით ბუდიმირმა საკუთარი რეკორდი გააუმჯობესა და გინესის რეკორდსმენი კიდევ ერთხელ გახდა.
სამართლიანობისთვის უნდა აღინიშნოს, რომ მცდელობისას მან ფილტვების ვენტილაციის პროცედურა გაიარა. ამ დისციპლინას "სტატიკურ აპნოეს" უწოდებენ. ბუდიმირი ჯერ ჟანგბადს სუნთქავს, შემდეგ კი წყალში სუნთქვას იჩერებს.
პირველად მყვინთავის შესახებ 2018 წელს გახდა ცნობილი , როდესაც მან ესპანელ მყვინთავს ალექს სეგურუს აჯობა. მაშინ მან წყლის ქვეშ 24 წუთი და 11 წამი გაატარა.
მყვინთავმა რეკორდი შვილს მიუძღვნა, რომელიც აუტიზმის სპექტრის მქონეა.
ვახო რევაზიშვილი
ავტორი