დომინიკანაში 5 თვის ბავშვი მას შემდეგ გარდაიცვალა, რაც მშობლებმა მას კუს სისხლი დაალევინეს. ამის შესახებ Daily Mail წერს.
მშობლების თქმით, მათ შვილის ახალი კორონავირუსისგან დაცვა სურდათ. კუს სისხლის მიცემა ბავშვისთვის მათ ჰაიტელმა შამანმა ურჩია. სისხლი ჯერ მშობლებმა დალიეს, შემდეგ კი ჩვილსაც დაალევინეს.
მთელი ოჯახი ადგილობრივ საავადმყოფოში გადაიყვანეს. 5 თვის ბავშვი ჯერ კიდევ ჰოსპიტალიზაციამდე გარდაიცვალა. მშობლების მდგომარეობა კრიტიკულია.
