საფრანგეთის ქალაქ სანლისში XIII საუკუნის იტალიელი მხატვრის, ჩიმაბუეს ნახატი 24,18 მილიონ ევროდ გაიყიდა.
საუბარია ნახატზე, რომლის სახელწოდებაა „ქრისტეზე დაცინვა“. მისი ზომა 25,8х20,3 სანტიმეტრია. სურათი ქრისტეს ვნებებისადმი მიძღვნილი, 1280 წლით დათარიღებული დიპტიხის ნაწილია, რომელიც 8 ელემენტისგან შედგება.
ნახატი საფრანგეთის ქალაქ კომპიენში მცხოვრები ერთ-ერთი მოხუცი ქალის სამზარეულოში წლების განმავლობაში ეკიდა. ტილოს მნიშვნელობა მხოლოდ გასულ თვეს გახდა ცნობილი, როდესაც ქალმა ის შესაფასებლად სპეციალისტებთან მიიტანა. ნახატის ახალი მფლობელის ვინაობა არ სახელდება.
