"აშშ-ში გარდაცვლილთა რაოდენობა 100,000-ს უახლოვდება, განუსაზღვრელი დანაკარგი" - სწორედ ამ სიტყვებით იწყება ყოველკვირეული გამოცემა New York Times-ის მთავარი გვერდი.
გაზეთის პირველი გვერდი და შიდა სამი გვერდი COVID-19-ის ინფექციით დაღუპულთა ხსოვნას ეძღვნება. გვერდები, რომლებზეც, როგორც წესი, კვირის უმნიშვნელოვანესი ახალი ამბებია აღწერილი, ამ კვირაში მხოლოდ ეპიდემიით დაღუპული 1,000 ადამიანის სახელსა და გვარს შეიცავს.
გამოცემა აღნიშნავს, რომ ექსპერტების ცნობით, ახალი კორონავირუსით გარდაცვლილთა რიცხვი აშშ-ში გაცილებით მეტია, ვიდრე ეს ოფიციალური მონაცემებიდან ჩანს.
"ისინი არ იყვნენ მხოლოდ სახელები, ისინი ჩვენი ნაწილი იყვნენ" - წერს გამოცემა.
