ნიგერიის სამხრეთ დასავლეთ ნაწილში შეიარაღებული დაჯგუფების წევრებმა ჩასაფრება მოაწყვეს. ისინი თავს დაესხნენ სამხედრო ნაწილებს, რომელებიც ტაჰოიას რაიონში პატრულირებდნენ. დაპირისპირებისას 16 სამხედრო დაიღუპა და 6 დაიჭრა. ინფორმაციას Reuters ავრცელებს.
ამ დროისთვის უცნობია რომელმა შეიარაღებულმა დაჯგუფებამ განახორციელა შეტევა. მომხდარზე პასუხისმგებლობა ჯერ არავის აუღია. ტერიტორიას, სადაც თავდასხმა მოხდა ჯიჰადისტური დაჯგუფებები აკონტროლებენ. მათ ტერორისტულ ორგანიზაციებთან - "ალ ქაიდასთან" და "ისლამურ სახელმწიფოსთან" აქვთ კავშირი.
შეიარაღებულმა დაჯგუფებებმა 2018 წლიდან ასობით სამხედრო და სამოქალაქო პირი მოკლეს.