ნიგერიაში, კროს-რივერის შტატის დედაქალაქში, საკონტროლო-გამშვებ პუნქტზე შეიარაღებულმა პირებმა ოთხი პოლიციელი მოკლეს. ინფორმაციას ამის შესახებ Daily Trust ავრცელებს.
თვითმხილველებმა, რომლებმაც გასროლის ხმა გაიგეს, განაცხადეს, რომ ეს ძარცვა იყო. დანაშაულის ადგილზე მისულმა რეპორტიორებმა ექვსი გვამი აღმოაჩინეს, რომელთა შორის ოთხი პოლიციელი და ორი სამოქალაქო პირი იყო.
პოლიციის განცხადებით, ოპერატიული ღონისძიებების შედეგად, პოლიციამ არა მხოლოდ იარაღის დაბრუნება, რომელიც ეჭვმიტანილებმა წაიღეს, არამედ მრავალი დამნაშავის დაკავება მოახერხა.
