ნიუ-იორკის პოლიციის დეპარტამენტმა Twitter-ის ოფიციალურ გვერდზე გამოაქვეყნა ვიდეო, სადაც ჩანს, როგორ მიიტანეს მეგაპოლისის ცენტრში მთავარი საახალწლო ნაძვის ხე. ის ტრადიციულად როკფელერის ცენტრთან აღმართეს.
"დილით, ქალაქის პოლიციის დეპარტამენტის მცირე დახმარებით, როკფელერის ცენტრის ნაძვის ხე საბოლოო დანიშნულების ადგილამდე მივიდა", – აღნიშნულია პოსტში.
ნაძვის ხის სიმაღლე 24 მეტრს აღემატება, წონა კი 12 ტონამდეა. ნაძვისხე სამ მილიონამდე მანათობელი კრისტალით მოირთვება, ხოლო მისი ანთების ოფიციალური ცერემონია პირველ დეკემბერს შედგება.
ანტონ თათვიძე
ავტორი