ამერიკის პანტონის ფერის ინსტიტუტის (Pantone Color Institute) 2022 წლის ფერი დაასახელა. ეს PANTONE 17-3938 ან Very Peri გახდა.
"PANTONE 17-3938 Very Peri აერთიანებს ლურჯის თვისებებს, მაგრამ აქვს მეწამულ-წითელი ელფერი, ავლენს ენერგიულ, ხალისიან განწყობას და დინამიკურ ყოფნას, რაც გაბედულ კრეატიულობას და გამოსახულებას ახალისებს“, - განაცხადა ინსტიტუტის აღმასრულებელმა დირექტორმა, ლეატრის ეისმანმა.
Pantone-ში აღნიშნეს, რომ Very Peri - არის დროისა და გარდამავალი პერიოდის გლობალური სულის სიმბოლო, რომელსაც ჩვენ განვიცდით.
"იცვლება ადამიანების აღქმა და სტანდარტები და რეალური და ვირტუალური ცხოვრება ახლებურად იკვეთება. ციფრული დიზაინი საშუალებას გვაძლევს, გადავლახოთ რეალობის საზღვრები, გავხსნათ კარი დინამიკური ვირტუალური სამყაროსკენ, რომელიც შეგვიძლია, გამოვიკვლიოთ და ახალი ფერების შესაძლებლობები შევქმნათ", - აღნიშნულია პრესრელიზში.
ცნობისთვის, ამერიკის პანტონის ფერის ინსტიტუტის (Pantone Color Institute) ექსპერტებმა 2021 წლის ორი ძირითადი ფერი დაასახელეს. ეს ფერებია "ღრმა ნაცრისფერი" და "ნათელი ყვითელი".
Introducing the Pantone Color of the Year 2022, PANTONE 17-3938 Very Peri, a dynamic periwinkle blue hue with a vivifying violet red undertone blends the faithfulness and constancy of blue with the energy and excitement of red. Learn more: https://t.co/eNIwkTq2K8 pic.twitter.com/hBfiDusFKU
— PANTONE (@pantone) December 9, 2021
