პარიზის მეტროს თანამშრომელთა გაერთიანებამ გაფიცვის დროებით შეწყვეტის გადაწყვეტილება მიიღო. ისინი აცხადებენ, რომ დრო "ძალების აღდგენისა" და მოძრაობის ახალი მიმართულების დაგეგმვისთვის სჭირდებათ.
ამასთან, აღსანიშნავია, რომ 45 დღიანი გაფიცვის შემდეგ, კანონმდებლობის მიხედვით მათ არც განაცდური საათები აუნაზღაურდებათ.
საზოგადოებრივი ტრანსპორტის პერსონალი საფრანგეთის ხელისუფლების მიერ 5 დეკემბერს წარმოდგენილი საპენსიო რეფორმების გეგმის გასაპროტესტებლად გაიფიცა. ორშაბათიდან მეტროს სამი ხაზის გარდა, მუშაობა ყველა მიმართულებით აღდგება.
