გერმანიაში, პედოფილის სახლის ჩხრეკისას პოლიციამ ორი წლის წინ გაუჩინარებული 15 წლის ბიჭი იპოვა. რეკლინგჰაუზენში მცხოვრები კაცი ბავშვთა პორნოგრაფიის გავრცელებაში იყო ეჭვმიტანილი. მისი სახლის ჩხრეკა აღნიშნული საქმის გამოძიების ფარგლებში განხორციელდა. როგორც Sun-ი წერს, სახლის ჩხრეკისას სამართალდამცველებს საკუჭნაოში ბიჭი დახვდათ. გაირკვა, რომ მას ოჯახი 2017 წლიდან ეძებს. მან ორი წელი პედოფილის სახლის საკუჭნაოში გაატარა.
მოზარდი ოჯახს უკვე დაუბრუნდა, გამოძიება კი გრძელდება.