პენსილვანიაში ძლიერმა ტორნადომ რამდენიმე შენობა დაანგრია. შედეგად ხუთი ადამიანი დაშავდა. ინფორმაციას ამის შესახებ ადგილობრივი გაზეთი Bucks County Courier Times ავრცელებს.
გავრცელებული ცნობით, სტიქიის შედეგად კომპანია Faulkner Auto Group-ის ავტოსერვისისა და ავტოსალონის შენობა დაინგრა.
"ეს დამანგრეველი ტორნადო იყო. თითქოს ბომბი აფეთქდა", - ამბობს ადგილობრივი საზოგადოებრივი უსაფრთხოების უფროსი ფრედ ჰარანი.
უამინდობის შედეგად 7 ათასამდე აბონენტი ელექტროენერგიის გარეშე დარჩა.