აშშ-ის თავდაცვის სამინისტრომ დაუდგენელი მფრინავი ობიექტების (უცხოპლანეტელების) შესასწავლად სამუშაო ჯგუფის შექმნა გადაწყვიტა. ამის შესახებ ინფორმაციას CNN ავრცელებს.
გამოცემის ცნობით, სამუშაო ჯგუფის შექმნის გადაწყვეტილება 4 აგვისტოს მიიღეს. სამუშაო ჯგუფი იმ ამოუცნობ მფრინავს ობიექტებს გამოიკვლევს, რომლებიც აშშ-ის სამხედრო თვითმფრინავმა დააფიქსირა.
სამუშაო ჯგუფს თავდაცვის მინისტრის მოადგილე დევიდ ნორქუისტი უხელმძღვანელებს და მას ოფიციალურად უახლოეს დღეებში წარადგენენ.
ივლისში ამოუცნობ მფრინავ ობიექტებთან დაკავშირებით შეშფოთება გამოთქვა აშშ-ის კონგრესმა. კონგრესის წევრები და პენტაგონის ოფიციალური პირები არ გამორიცხავენ, რომ ეს ობიექტები, შესაძლოა, პოტენციური მოწინააღმდეგის მიერ დასაზვერად გამოიყენებოდეს.
