ამერიკული კომპანია Pfizer და მისი გერმანელი პარტნიორი BioNTech ამჟამად წარმოების გაფართოებაზე მუშაობენ.
ევროპის მასშტაბით COVID-19-ის საწინააღმდეგო ვაქცინის მიწოდება 25 იანვრიდან განახლდება. ხოლო 15 თებერვლიდან ვაქცინის წარმოების გაზრდა იგეგმება.
ამასთან, Pfizer/BioNTech-ში აცხადებენ, რომ 2021 წლის მეორე კვარტალიდან ვაქცინის წარმოება უფრო მასშტაბურად გაიზრდება.
ცნობისთვის, ამ კვირის დასაწყისში ცნობილი გახდა, რომ Pfizer მომავალი კვირიდან ევროპაში COVID-ის ვაქცინების მიწოდების შემცირებას გეგმავს. აღნიშნულმა გადაწყვეტილებამ ევროკავშირის ქვეყნების აღშფოთება გამოიწვია.
