Pfizer-ის აღმასრულებელი დირექტორის განცხადებით, ისინი მოლაპარაკებებს აწარმოებენ ინდოეთის მთავრობასთან, რათა COVID-19-ის საწინააღმდეგო ვაქცინის დამტკიცების პროცესი დაჩქარდეს.
"ამჟამად ინდოეთის მთავრობასთან გვაქვს მოლაპარაკებები დაჩქარებული წესით დამტკიცდეს ჩვენი Pfizer-BioNTech-ის ვაქცინა, რომ ქვეყანამ რაც შეიძლება სწრაფად დაიწყოს მისი გამოყენება", - დასძინა კომპანიის ხელმძღვანელმა.
მან ასევე აღნიშნა, რომ ინდოეთში კორონავირუსის გავრცელებასთან დაკავშირებით ვითარება ძალზე მძიმეა და ქვეყანა დახმარებას საჭიროებს. მისი თქმით, ინდოეთის დასახმარებლად დაიწყება კამპანია, რომელიც მიზნად ისახავს 70 მილიონ დოლარზე მეტი მედიკამენტებისთვის თანხის შეგროვებას.
