ისრაელში ჩატარებული კვლევების თანახმად, Pfizer/BioNTech-ის მიერ შემუშავებული კორონავირუსის საწინააღმდეგო ვაქცინის მხოლოდ პირველი დოზა დაავადებისგან 85%-ით იცავს. ამის შესახებ ბრიტანული გამოცემა The Guardian წერს.
გამოცემის ცნობით, მანამდე აშშ-ში ჩატარებული კვლევებით დგინდებოდა, რომ ვაქცინის პირველი დოზით მიღების შემდეგ ვაქცინირებულები დაავადებისგან მხოლოდ 52.4%-ით იყვენენ დაცულები. ხოლო, კორონავირუსისგან თითქმის სრულ, 95%-იანს მხოლოდ ვაქცინის ორი დოზა უზრუნველყოფდა.
ექსპერტები აღნიშნავენ, რომ ახალი კვლევების თანახმად, 85%-იანი დაცვა პირველი დოზის მიღებიდან ორი-ოთხი კვირის შუალედში გამომუშავდება.
ამასთან, ზოგმა ქვეყანამ უკვე გასცა რეკომენდაცია, რომ მოქალაქეები Pfizer/BioNTech-ის მხოლოდ ერთი დოზით აცრან. თუმცა, გამოცემა აღნიშნავს, რომ ამჟამად არ მოიპოვება კვლევა, რომელიც ვაქცინის მხოლოდ პირველი დოზის მიღების შემდეგ მის ეფექტურობას ხანგრძლივი პერიოდით დაადასტურებს.
