2050 წლისთვის პოლონეთმა, შესაძლოა, ენერგეტიკაში ნახშირის გამოყენებაზე უარი თქვას. ამის შესახებ ქვეყნის გარემოს დაცვის მინისტრი, ჰენრიკ კოვალჩიკი აცხადებს.
მისი თქმით, ამჟამად პოლონური ენერგომწარმოებლების 80% ნახშირზე მუშაობს, რასაც ევროპული სტრუქტურები და ეკოლოგიური ორგანიზაციები აპროტესტებენ.
„აშკარაა, რომ ჩვენ ნახშირის გამოყენებაზე თანდათან უარი უნდა განვაცხადოთ. თუმცა ამის გაკეთება გონივრულად და ეტაპობრივადაა საჭირო, ენერგიის სხვა წყაროების განვითარებით“, - აცხადებს კოვალჩიკი.
მინისტრის თქმით, სახელმწიფო ყველა ზომას მიიღებს იმისთვის, რომ 2050 წლისთვის ამ მიზანს მიაღწიოს.
ელენა ტრეხლებოვა
ავტორი