ტონგას სამეფოში, პოლინეზიაში, ვულკანმა ამოფრქვევა დაიწყო. ადგილობრივები გააფრთხილეს, რომ ტერიტორიაზე მჟავური წვიმაა მოსალოდნელი. Report.ge-ს ცნობით, ინფორმაციას The Watchers ავრცელებს.
სპეციალისტების ცნობით, აირის უზარმაზარი ღრუბელი, რომელიც ვულკან Hunga Tonga-Hunga Ha'apai-ის ამოფრქვევის შედეგად წარმოიქმნა, ზღვის დონიდან 18 კილომეტრის სიმაღლეზე ავიდა.
ექსპერტები ამბობენ, რომ ატმოსფეროში წყალთან შერევის შემთხვევაში, მტვერმა და აირმა, შესაძლოა, მჟავური წვიმა გამოიწვიოს. ამიტომ ადგილობრივი მოსახლეობა და ტურისტები შესაძლო საფრთხის შესახებ გააფრთხილეს.
"მჟავური წვიმის ზემოქმედების სიმპტომებია: კანის ქავილი და გაღიზიანება, მხედველობის დაბინდვა და ფერის შეცვლა. თუ თვალები ან კანი მჟავურ წვიმაში მოხვდა, მიმართეთ ექიმს შესაბამისი მკურნალობისთვის", - ნათქვამია გაფრთხილებაში.
Stole this footage from my cuzn of Hunga Tonga & Hunga Haâapai where an undersea volcano erupted on Sunday night. pic.twitter.com/4ED8mpxmwk
— Alakihihifo Vailala (@alakihihifo) December 22, 2021
