პოლონეთის პრეზიდენტს, ანდჟეი დუდას კორონავირუსი დაუდასტურდა. ის თვითიზოლაციაში გადავიდა. Report.ge-ს ცნობით, ამის შესახებ Twitter-ზე პოლონეთის პრეზიდენტის კანცელარიის მინისტრი პაველ შროტი წერს.
"პრეზიდენტი თავს კარგად გრძნობს, მძიმე მიმდინარეობა არ არის, სამედიცინო მეთვალყურეობის ქვეშ იმყოფება", - წერს შროტი.
მან აღნიშნა, რომ დუდა გასული წლის აპრილსა და ივნისში კორონავირუსზა აიცრა, ბუსტერი კი 17 დეკემბერს მიიღო.
ამასთაბ, დუდამ კორონავირუსი 2020 წლის შემოდგომაზეც გადაიტანა. მაშინაც სიმპტომების გარეშე.
ბოლო დღე-ღამის განმავლობაში პოლონეთში COVID-19-ით ინფიცირების 17 196 ახალი შემთხვევა დაფიქსირდა, 632 ადამიანი გარდაიცვალა.
