პოლონეთის ბოლოდროინდელი კიბერთავდასხმა რუსეთის ტერიტორიიდან განხორციელდა, - ამის შესახებ პოლონეთის მმართველი პარტა"სამართალი და სამართლიანობის" ხელმძღვანელმა, ვიცე-პრემიერმა იაროსლავ კაჩინსკიმ განაცხადა.
მისი თქმით, ის გაეცნო შიდა უსაფრთხოებისა და სამხედრო კონტრდაზვერვის სამსახურის ინფორმაციას.
"კიბერთავდასხმის ობიექტები უმნიშვნელოვანესი პოლონელი ჩინოსნები, მინისტრები, სხვადასხვა პოლიტიკური გაერთიანების დეპუტატები იყვნენ", - განაცხადა კაჩინსკიმ.
მისი თქმით, თავდასხმის მასშტაბი საკმაოდ დიდი იყო.
შეგახსენებთ, რომ 15 ივნისს პოლონეთის ხელისუფლებამ განაცხადა, რომ ქვეყანა მასშტაბური კიბერთავდასხმის მსხვერპლი გახდა. პრემიერ-მინისტრმა მატეუშ მორავეცკიმ სეიმის დახურული სხდომა მოიწვია.
