პოლონეთის ჯანდაცვის მინისტრმა, ადამ ნედზელსკიმ განაცხადა, რომ ქვეყანაში კორონავირუსის შეზღუდვები, შესაძლოა, ამ კვირაში გამკაცრდეს. Report.ge-ს ცნობით, ამის შესახებ მან RMF FM-ის ეთერში განაცხადა.
ნედზელსკიმ განაცხადა, რომ მთავრობა ახალი შეზღუდვების შემოღებას განიხილავს.
"როდესაც ამოიწურება ვაქცინის მთელი არსენალი, იქნება გამოყენებული ყველაფერი, რაც ხელთ არის დარჩენილი. შეზღუდვები ხელთ რჩება", - განაცხადა მან.
მისივე თქმით, ამის შესახებ გადაწყვეტილებების მიღება ოთხშაბათს ან პარასკევს არის შესაძლებელი.
"მაშინ ვისაუბრებთ სკოლებზე, მაგალითად, სავაჭრო ცენტრების დახურვაზე, მაგრამ მე არ მინდა ამაზე ფიქრი“, - დასძინა ნედზელსკიმ.
მისი თქმით, ბოლო 24 საათის განმავლობაში პოლონეთში კორონავირუსის 6422 ახალი შემთხვევა დადასტურდა.