პორტუგალიაში, კორონავირუსის პანდემიის ფონზე, დღეს, საპრეზიდენტო არჩევნები მიმდინაროებს. ამის შესახებ გამოცემა DW წერს.
საარჩევნო უბნები ადგილობრივი დროით 08:00 საათზე გაიხსნა და ამომრჩევლებს ხმის მიცემა 19:00 საათამდე შეეძლებათ.
გამოცემის ცნობით, პრეზიდენტობისთვის შვიდი კანდიდატი, მათ შორის რესპუბლიკის ამჟამინდელი ლიდერი, მარსელუ რებელუ დი სოზა, იბრძოლებს.
ქვეყნის კანონმდებლობის თანახმად, პორტუგალიის პრეზიდენტი პირდაპირი და ფარული კენჭისყრით, ხუთი წლის ვადით აირჩევა.
არჩევნებში ქვეყნის ამჟამინდელი მეთაური, 72 წლის მარსელუ რებელუ დი სოზა ლიდერობს, რომელიც პრეზიდენტის თანამდებობას 2016 წლიდან იკავებს.
იმ შემთხვევაში, თუ 50%-იან ბარიერს ვერცერთი კანდიდატი გადალახავს, არჩევნების მეორე ტური 14 თებერვალს გაიმართება.
