მთიან ყარაბაღში დანაღმულ ტერიტორიებზე ორი რუსი სამშვიდობო დაშავდა. ამის შესახებ აზერბაიჯანული მედია რუსულ "ტელეგრამ" არხებზე დაყრდნობით იუწყება.
გავრცელებული ინფორმაციით, მანქანა, რომელშიც რუსი სამშვიდობოები ისხდნენ ნაღმზე აფეთქდა.
ცნობისთვის, აშშ-ში აზერბაიჯანის ელჩის, ელინ სულეიმანოვის განცხადებით, გასული წლის ნოემბრიდან დღემდე, მთიან ყარაბაღში ნაღმზე აფეთქების შედეგად, აზერბაიჯანის 20 მშვიდობიანი მოქალაქე დაიღუპა, ხოლო 85 დაშავდა.
აშშ-ში აზერბაიჯანის ელჩის განცხადებით, აშშ-ის პრეზიდენტმა ჯო ბაიდენმა და მისმა ადმინისტრაციამ სომხეთი უნდა აიძულოს, რომ აზერბაიჯანს მთიან ყარაბაღში ნაღმების ადგილმდებარეობის აღმნიშვნელი რუკები გადასცეს, რათა მშვიდობიანი მოსახლეობის სიცოცხლესა და დევნილების სამშობლოში დაბრუნებას საფრთხე არ შეექმნას.