ყაზახეთის ჯანდაცვის მინისტრი ელჟან ბირტანოვი კორონავირუსით დაინფიცირდა. ამის შესახებ მინისტრმა სოციალური ქსელის მეშვეობით განაცხადა.
როგორც მინისტრმა თავად აღნიშნა, მის ორგანიზმში დაავადება უსიმპტომოდ მიმდინარეობს და ამჟამად ინფექციურ საავადმყოფოშია გადაყვანილი.
ყაზახეთში ახალი ტიპის კორონავირუსის 14 496 შემთხვევაა გამოვლენილი. დაავადებას 73 ადამიანი ემსხვერპლა. 9 114 პაციენტი გამოჯანმრთელდა.
